Dy tregjet më të mëdha të qytetit të Fierit, po shkojnë drejt mbylljes. Janë vetë tregtarët që dëshmojnë se për shkak të rënies së fuqisë blerëse, shumë kolegë të tyre kanë lënë punën. Krizën e konsumit e dëshmojnë vetë qytetarët, që thonë se nuk kanë mundësi financiare të përballojnë kostot e larta të jetesës.
Syri televizion kreu një vëzhgim në dy tregje të mëdha të qytetit të Fierit, aty ku tashmë shihet se dhjetëra tezga për shitje janë bosh…
Në tregun ditor, ku shesin fermer nga zonat rurale, janë vetëm disa qytetarë që vijojnë të shesin prodhimet e tyre, ndërsa tregojnë se situata me konsumin është dramatike.
Ngjashëm është situata edhe në tregun e madh të furta perimeve në qendër të qytetit, ku gjithashtu shumë tregtar që kanë braktisur vendin e tyre të punës.
Në këtë panoramë të zymtë, zëri i qytetarëve është alarmant.
Një tjetër shqetësim për tregtarët janë kushtet higjeno-sanitare në vendin e tyre të punës.
Kriza e konsumit në vend, është tregues jo vetëm i shpopullimit por edhe i rënies drastike të ekonomisë së qytetarëve./ Syri TV
