Shqipëria do të përballet këtë të shtunë me Serbinë, në një ndeshje ku kuqezinjtë do të kërkojnë me çdo kusht triumfin.
Ndeshja ka rëndësi të veçantë për ecurinë në grup, por përveç kësaj, ka interes të madh edhe për tifozët.
Përveç 22 mijë tifozëve që do të jenë në stadium, në Tiranë priten mijëra të tjerë, që do të ndjekin ndeshjen, duke u bërë gati për festë.
Sot Tirana është kthyer në kryeqytet të shqiptarëve, të cilët kanë ardhur nga të gjitha trevat shqipfolëse e mbarë bota, në mbështetje të Kombëtares.
Rrugët dhe bizneset janë ngjyrosur kuq e zi, me tifozë të panumërt që shprehin optimizmin për një fitore të Shqipërisë përballë Serbisë. Autokolonat me flamujt kombëtarë përshkojnë pa ndalim rrugët e kryeqytetit.
Tifozët Kuq e Zi edhe pse nuk do të jenë në stadium tashmë e kanë nisur korin e tyre, duke kënduar këngë patriotike.
Në videon në vijim ata dëgjohen duke e kënduar këngën për heroin kombëtar, Adem Jasharin, që tashmë është bërë si himn në “Air Albania”.
