Fitimi i Ligës së Europës dhe kualifikimi për në Ligën e Kampioneve të sezonit të ardhshëm nuk ishin të mjaftueshme që Ange Postekoglou të shmangte shkarkimin.
Pas një shqyrtimi të kujdesshëm, klubi ka vendosur t’i japë fund marrëdhënies së tyre me trajnerin australian pas dy sezonesh.
Ishin vetë “Spurs”, që bënë publike se kanë vendosur ta shkarkojnë trajnerin për shkak të performancave të ekipit në Premier Ligë, të cilat u konsideruan qartë si faktori vendimtar për të ardhmen e tij.
Postekoglou i udhëhoqi londinezët drejt trofeut të parë të Ligës së Europës pas 17 vitesh, por mbyllja në vendin e 17-të në kampionat nënkupton se pozicioni i tyre ishte i pasigurt. Son dhe shokët e tij humbën 22 nga 38 ndeshjet e në Premier Ligës dhe e përfunduan sezonin vetëm katër pikë larg zonës së rënies nga kategoria. Totenhemi tani do të kërkojë të bindë trajnerin e Brentford, Tomas Frank.
