Ministri i Shtetit për Marrëdhëniet me Parlamentin, Taulant Balla ka ironizuar deputetët e opozitës për humbjen e zgjedhje të 11 Majit.
Ai i quajti deputetët e opozitës “lodra të Sali Berishës”, që sipas tij janë turrur të bëjnë pis Shqipërinë.
“Jeni pengje të një mallkimi të madh që e ka emrin Sali Berisha”, theksoi Balla.
“PS ju ka mundur, ju kemi mundur të paktën me vota jo me mandate edhe ne 2005 dhe 2009. Pastaj nga 2013 ju kemi mundur çdo vit e më thellë. Ju problemin s’e keni me neve, e keni se në 2025 keno marrë më pak vota se në 2021 edhe pse futët brenda vetes edhe ç’kishte mbetur nga kockat e Baba Likes, edhe pse futët brenda vetes lloj lloj, edhe gjeniun e ri të futbollit kombëtar, Sel Jenisherin të cilin ju lutem na gjeni ndonjë numër kontakti tia japim Silvnjos se mund të na japë ndonjë skemë të papame, mqs skema e zgjedhjeve nuk ju funksionoi të paktën ta përdorim ndeshjen me Serbinë. Dhe ua paskemi ne fajin ju. Flamur ku i keni humbur votat, ku ju shkuan?
Prijësi yt legjendar këtë gjë e ka bërë me radhë nga 1997 që nuk pranon rezultatin e humbjeve. Kryeministri në detyrë thoshte në 2013 më vodhën zgjedhjet, pastaj me radhë. Pastaj mësoi Lulin, mendoja se i thoshte nga vetja këto që pas çdo humbje “lufta vazhdon”, ku e dija unë që ia paska mësuar Saliu këtë.
Pse qesh Flamur, ma ka thënë pra. E di ç’do shohim ne. Kjo gjëja do të vazhdojë. Flamur kam 5 minuta, të ka ngelur nga Luli nuk di të numërosh. Po ta përdor emrin aq shpesh se mezi pres replikën tënde për PD. Jeni pengje të një mallkimi të madh që e ka emrin Sali Berisha, jeni thjesht disa lodra që jeni turrur të bëni pis Shqipërinë”, tha Balla.
