Shqipëria U-15 triumfoi me rezultatin 2-1 në miqësore ndaj Zvicrës, me përmbysje.
Paraqitje pozitive nga kuqezinjtë, që iu falën golave të Sebastian Sinës dhe Haxhi Rrenës.
Zvicra e nisi më mirë ndeshjen dhe kaloi në avantazh në minutën e 19-të, me golin e Zanovello Timothy.
Reagimi i Shqipërisë ishte i menjëhershëm dhe barazimi erdhi në minutën e 26-të, me golin e Sebastian Sinës, i cili dërgoi shifrat në 1-1, rezultat me të cilin u mbyll fraksioni i parë.
Në pjesën e dytë, kuqezinjtë krijuan disa raste të rrezikshme. Pas disa tentativave, ishte Haxhi Rrena që shënoi golin e dytë dhe të fitores në minutën e 76-të.
Shqipëria ruajti avantazhin deri në fund për të marrë fitoren 2-1. Ndeshja e dytë miqësore mes Shqipërisë U-15 dhe Zvicrës U-15 do të zhvillohet më 5 qershor, në orën 10:00.
