Partia e Lirisë konteston zgjedhjet parlamentare të 11 Majit në Bashkinë e Kavajës, ku përmes një shkrese të depozituar në Komisionin qëndror të zgjedhjeve kërkon hapjen e kutive dhe rinumërimin e votave në këtë bashki dhe për të gjitha njësitë e saj.
“Kërkesa jonë mbështetet në dyshime të arsyeshme mbi parregullsi gjatë procesit të numërimit dhe synon garantimin e transparencës dhe legjitimitetit të rezultatit përfundimtar” – thuhet në shkresën e firmosur nga Tedi Blushi.
Kujtojmë se Partia Demokratike fitoi me rezultat bindës në Bashkinë e Kavajës, e cila njihet si një bastion i të djathtë, ku kanë edhe një ndër të paktat bashki nën udhëheqje.
Demokratët rezultuan fitues jo vetëm në qytetin e Kavajës, por edhe në të gjitha njësitë si në Luz i Vogël, Helmes, Synej, apo edhe në Golem, i cili njihej si një bastion i majtë. Në total, demokratët kanë patur një diferencë prej plus 2899 votash.
REZULTATI
- Partia Demokratike – 53.75 % – 10 626 vota
- Partia Socialiste – 39.08 % – 7 727 vota
- Partia Social-Demokrate – 1.94 % – 384 vota
- Partia Mundësia – 1.81 % – 357 vota
- Nisma Shqipëria Bëhet – 1.41 % – 279 vota
- Lëvizja Bashkë – 1.04 % – 206 vota
- Kolaicioni Euroatlantik – 0.48 % – 94 vota
- Koalicioni Djathtas për Zhvillim – 0.16 % – 32 vota
- Partia Aleanca Kombëtare Shqiptare – 0.16 % – 32 vota
- Lëvizja Atdheu – 0.15 % – 30 vota
- Partia Aleanca Demokracia e Re – 0.02 % – 4 vota
