Mynihu sot është mbushur me dhjetëra mijëra tifozë të Interit dhe PSG-së të cilët kanë udhëtuar drejt Gjermanisë për të ndjekur finalen e Ligës së Kampioneve mes skuadrave të tyre.
Kryesisht ka qenë një atmosferë festive, por duke afruar ndeshja, situata është tensionuar.
Në videot që kanë qarkulluar në rrjete sociale shihet një moment tensioni mes ultrasve të të dy skuadrave të cilët janë përplasur në një stacion metroje në Mynih.
Nuk dihet arsyeja se si lindi kjo përplasje, por mbështetësit e dy skuadrave janë përleshur për disa minuta, me ata francezë që më pas kanë përfunduar në një nga kabinat e metrosë dhe me italianët jashtë saj.
