Prokuroria e Posaçme ndau ditën e sotme detaje lidhur me aksionin për goditjen e grupit kriminal që kontrabandonte cigare ku janë dhënë në total 36 masa sigurie, 15 arrest me burg dhe 21 të tjera ndalim për daljen jashtë kufijve.
Një ndër emrat e përfshirë është edhe Matilda Duzha, e cila, ndryshe nga anëtarët e tjerë të grupit, do të qëndrojë në një masë të lehtë sigurie, detyrim paraqitje.
Matilda Duzha është bashkëshortja e deputetit socialist Luan Duzha.
Matilda Duzha, punonjëse e doganave, dyshohet për kryerjen e veprave penale “Kontrabanda nga punonjës që lidhen me veprimtarinë doganore”, e kryer në formën e veçantë të bashkëpunimit atë të grupit të strukturuar kriminal dhe “Grupi i strukturuar kriminal”, si dhe “Kryerja e veprave penale nga organizata kriminale dhe grupi i strukturuar kriminal”.
Kujtojmë se ditën e djeshme, SPAK ka bërë kontroll në banesën e deputetit të PS-së, Luan Duzha, pasi dyshohet se është përfshirë në krim elektoral gjatë fushatës zgjedhore parlamentare të 11 Majit. Po ashtu,a tij i është sekuestruar edhe celulari.
LEXO EDHE:
