Të shtunën më 31 maj në “Allianz Arena” në Mynih luhet finalja më e rëndësishme e sezonit, ajo e Champions League mes PSG-së dhe Interit.
Francezët konsiderohen si pritës në këtë takim dhe do kenë mundësinë të luajnë me fanellën e tyre të parë.
Në anën tjetër, Inter duhej të zgjidhte mes fanellës së dytë, që është e bardhë dhe asaj e tretë, që është e verdhë dhe zikaltrit kanë zgjedhur pikërisht fanellën e tretë, duke zgjedhur t’i besojnë bestytnisë.
Zikaltrit kanë zgjedhur fanellën e verdhë sepse në 7 ndeshje kur kanë veshur atë nuk kanë humbur asnjëherë.
Po ashtu numërojnë dy fitore në Champions League me fanellën e verdhë, atë ndaj Sparta Prague në grupe dhe fitoren në Rotterdam ndaj Feyenord në fazën e 1/16-ve.
Ndërkohë, humbja e vetme e zikaltërve në Champions League gjatë këtij sezoni erdhi ndaj Bayer Leverkusen, kur kishin veshur fanellën e bardhë. Po ashtu, Inter ka veshur uniformën e tretë edhe kur fitoi Kupën UEFA në sezonin 1997/98 ndaj Lazio-s.
Mesa duket zikaltrit i janë dorëzuar bestytnisë dhe kanë zgjedhur fanellën e verdhë, duke besuar se kjo fanellë do iu sjellë fat në finalen e të shtunës.
