Andrea Ranxha është një djalë jetim që banon në qytetin e Elbasanit. Banesa e tij u dëmtua rëndë nga tërmeti i vitit 2019. Ai është birësuar nga dy prindër nga Elbasani, të cilët i kanë ndërruar jetë. Ai jeton me macet e tij.
Gjatë ditës lan varre, ndërsa mbrëmjeve argëton qytetarët e Elbasanit në bulevard me dajren apo baterinë e tij. Ai vuan nga skolioza për të cilën merr dhe një KEMP. Por është mbytur në borxhe të shumta.
Tak-Fak shkoi ta takojë në banesën dhe në përditshmërinë e tij. Si edhe të bisedojë me ata që janë borxhlinjtë e tij, në farmaci, apo në dyqane. Në përfundim, Fondacioni Firdeus dhe Tak ndihmojnë Andrean që të paguajë një pjesë të borxheve.
“Quhem Andrea Ranxha, banues në qytetin e Elbasanit, me origjinë nga Fieri. Nëna më la në Befotrofin e Fierit. Nuk e di arsyen, më pas më transferuan në Befotrofin e Durrësit. Aty birësohem nga 2 prindër të qytetit të Elbasanit. Babai ka ndërruar jetë në vitin 2015, kurse nëna ndërroi jetë në korrik të vitit 2024 nga një sëmundje e rëndë.
Jam pa baba, pa nënë, pa njerëz. Unë e kam gjetur nënën biologjike, por nuk m’u përgjigj, ajo ka jetën e saj. Tani më 11 korrik vjen dhe viti i nënës, dasht zoti që t’i plotësoj dhe shtëpinë e fundit, por më kanë mbytur borxhet. Shkaku i borxheve ishte sëmundja e nënës. Jam detyruar të marr në farmaci dhe te njerëzit për të mbajtur nënën gjallë, por nuk munda dot.
Unë kam qenë në gjumë, nuk kam ndjerë gjë, të nesërmen e kam gjetur mamin të vdekur. Varrimin ia bëra vetëm pa ndihmën e askujt. Më mungon prej 9 muajsh. Kam qëndruar vetëm, kam rënë, nuk ka ardhur njeri që të më ngrejë. Ndihmën e kërkoj tek emisoni juaj, sepse jam i mbytur në borxhe.
Borxhlinjtë më vijnë te dera, derën s’ua hap dot. S’kam çfarë t’u jap? Unë marr KEMP për arsye të shtyllës kurrizore (Skoliozë Lumbare). Ato lekë që marr, nuk më dalin. Dal punoj, pastroj varret dhe bëj muzikë në qendër, serenatë që mbaj shpirtin gjallë. Marr mjekim për shtyllën kurrizore që janë të kushtueshme, ‘Ipsoplok’ kushtojnë 15 mijë lekë me gjithë gjilpëra. Injeksionet i bëj vetë me shiringë. Nuk i bëj në urgjencë se kam frikë, thonë ky njeri pa njeri, i fusim një gjilpërë të shkoj…
Këtu kam nënën time, flas me nënën çdo natë, lutem, bëj atë që dua. Të vetmit që më ngushëllojnë janë 2 macet shtëpiake. Për një jetim është shumë e vështirë që nga mëngjesi e deri në mbrëmje. E di vetëm Zoti dhe unë si e kaloj vetminë pa nënën time. Kam gjetur shpresë me atë macen, deri dje më priste nëna, tani më pret macja.
Duke punuar, kam qenë pa ngrënë, më ka rënë të fikët. Macja me mjau-mjau më ka prekur flokët dhe jam ngritur. Unë shtëpinë e mbaj kukull, jam vetë nuse, vetë çun, vet burrë, ma ka lënë mami amanet. Thjesht më mungon era e nënës dhe njeriu im i duhur. Di të gatuaj, m’i ka mësuar nëna. Edhe për të larë rrobat në lavatriçe…
Shtëpia është e rrënuar nga tërmeti i 2019. Sepse moj motra ime, si nëna nuk ka. Më mungon era e saj, fytyra e saj, duart e saj që ja puthja çdo natë, e kam dashur jashtë mase. Kjo është Fabiola, me këtë kam kaluar 9-muaj në vetmi të plotë. Kujtimi që ruaj me nostalgji është unaza që mbante nëna ime në dorë. I kam vënë varëse me zinxhir me zile, e ndjej kur vjen, kjo është besnikja ime (flet për macen).
Kjo është një dajre, e kam krijuar vet me pikturim me të gjitha. Ky është qeni im Tomka, ngjyrë zi, si fati im…
Andrea: Dita ime do të vazhdojë duke bërë shlyerjen e borxhit të sotëm.
Fillimisht Andrea ndalon të marrë paratë e Kempit në Postë.
Andrea dhe Klaudja dalin nga banesa dhe shkojnë te farmacitë që kanë borxh: Do ikim si fillim te farmacia…
Farmacisti 1: Andrean e njohim, është banor i lagjes. Ka pas raste që ka marrë ilaçe dhe nuk ka pasur mundësi të paguajë.
-Ka një faturë që e ka marrë që në Prill të 2024.
-Merr ilacet që i nevojiten nga recetat e doktorit, neurologut, psikiatrit…
Shitësja 2: Andrea nuk na i ka dhënë lekët sepse nuk ka pasur mundësi. Më ka 120 mijë lekë. Pas vdekjes të nënës ka rënë fare…
- Andrea denoncon vjedhjen e veglave në varrezat e Elbasanit
Andrea sot ka humbur edhe dy prindërit që e birësuan dhe jeton duke larë varret dhe marrë borxhe në farmaci dhe në dyqane.
Ai ka denoncuar kolegun e tij për vjedhjen e veglave që përdorte për të pastruar varret. Së bashku me gazetaren ai shkoi tek varrezat e Elbasanit, ndërsa u përball edhe me kolegun e tij.
Gjatë përballjes kolegu i tij mohoi të kishte bërë diçka të tillë. Gjatë rrëfimit të tij, Andrea u shpreh i pikëlluar edhe për humbjen e nënës së tij dhe falenderoi edhe ndërhyrjen e emsionit për ndihmën.
Emisioni “TAK-FAK” dhe fondacioni Firdeus i erdhën në ndihmë Andreas me shpresën për të pasur një jetë më të mirë.
Andrea: Kam ardhur të pastroj varrin e një personi dhe për të përshëndetur nënën time
-Nuk bëj pazar në varreza, sa më japin njerzit. Mi paskan vjedhur veglat
Ja ky është hajduti, hajde ta kapim . Klaudja: Pse ja ke marr veglat Andreas?
Ky mi mori dhe herës tjetër mua…
Klaudja: Ku i ka veglat Andrea?
Kolegu: Për zotin nuk e mbaj mend,,, -Herës tjetër të kapa me vegla në dorë. Unë punoj me ato mor të keqen vllai, si me ja pastru varrin tjetrit?
Do ia japësh veglash e tua borxh sa të pastroj?
Klaudja: Të lutem jepja pak veglat e tua Andreas sa të pastroj varrin ti jep prapë
Andrea: A t’kam thënë mos e merr kazmën?
Klaudja: Ore ti a i ke veglat e tua, pse ja merr këtij?
Andrea: Ma gjeni kush i bën këto gjëra ta çojmë para drejtësisë?
Veglat i lej të b***a ullinit se nuk është mirë ti marrësh me vete.
Andrea: ‘Mami kam ardhur bashkë me stafin e emisionit Tak Fak që sapo dëgjuan rastin tim erdhën dhe iu përgjigjën problemeve të mia, nuk jam më vetëm.
Mamit ju thante goja nga diabeti, ai e shkatërroi.
Zemra ime, shpirti im ma bëj hallall se kam ardhur në një orar të paqenë po shpirti nuk pyet për orar.’
Andrea në mbrëmje në bulevardin e Elbasanit duke kënduar me Klaudjan : -Sa të bën haku?
-Të lumshin duart, meriton edhe më shumë
Andrea duke kënduar ‘’Tuj shëtit në ara të gjata’’
Klaudja ‘Siç duket edhe nga pamjet jemi në qendër të qytetit të Elbasanit
/ News24
