Arsid Kruja do të vazhdojë karrierën te Vllaznia. Pas largimit nga Teuta, futbollisti rikthehet te kuqeblutë.
Kruja ishte një dëshirë e trajnerit Edi Martini, i cili e mori atë edhe te Teuta. Mbrojtësi i djathtë, ka qenë një nga më të vlerësuarit në dy sezonet e fundit, ku është zgjedhur në formacionin e vitit.
Kruja ka luajtur me ekipin e parë të Vllaznisë në vitet 2012-2014, 2016-2018 dhe 2019-2023, teksa kjo për 31-vjeçarin është etapa e katërt me kuqeblutë. Në Superiore ai ka luajtur edhe me fanellën e skuadrave të Flamurtarit, Laçit dhe Teutës.
