Një studim i fundit ka zbuluar se përdorimi i teknologjisë digjitale është i lidhur me uljen e rrezikut për humbjen e kujtesës, sidomos tek të rriturit e moshës së mesme dhe tek më të moshuarit.
Një grup studiuesish analizuan 57 studime të botuara që përfshinin mbi 411mijë pjesëmarrës me një moshë mesatare prej 69 vjeç dhe zbuluan se përdorimi i pajisjeve digjitale si smartphone, tabletë dhe kompjuterë ishte i lidhur me një rrezik 58% më të ulët të humbjes së aftësive njohëse.
Ky rezultat kundërshton teorinë e njohur si “demenca dixhitale”, e cila thotë se përdorimi i tepërt i teknologjisë mund të dëmtojë funksionin e trurit.
Studiuesit sugjerojnë se angazhimi me teknologjinë mund të ofrojë stimulim mendor dhe mundësi për ndërveprim social, të cilët janë faktorë të rëndësishëm për ruajtjen e shëndetit mendor tek të moshuarit.
Ata inkurajojnë familjet të mbështesin të moshuarit në përdorimin e aplikacioneve si ato për mesazhe, kalendarë ose shikimin e fotografive, për të stimuluar aktivitetin mendor dhe për të përmirësuar mirëqenien e përgjithshme.
