Oficerët e BKH, me urdhër të Prokurorisë së Posaçme (SPAK) kanë ushtruar kontrolle në Bashkinë e Tiranës.
Burime për mediat bëjnë me dije se bëhet fjalë për një hetim të për veprat penale “shpërdorim detyre” dhe “korrupsion”, e cila nuk ka lidhje me çështjen e arrestimit të Erion Veliajt.
Mediat raportojnë se kontrolli është ushtruar mbrëmjen e djeshme në zyrat e dy drejtorëve të Bashkisë së Tiranës, si dhe janë sekuestruar dokument tek Drejtoria e Pastrim Gjelbërimit dhe Punëve Publike të Bashkisë.
Burime për mediat bëjnë me dije se me vendim gjykate janë sekuestruar edhe 5 aparate celularë, të cilat nga zbërthimi i tyre shpresohet të hidhet më shumë dritë mbi aferën që po hetohet. Ende nuk dihen detajet konkrete të hetimit, se për çfarë çështje bëhet fjalë.
Por, të kontaktuar nga MCN, Bashkia e Tiranës mohon që të jenë ushtruar kontrolle të tilla.
