Po luhet në mitikun “Wembley” finalja e FA Cup mes Crystal Palace dhe Manchester City.
Kjo është mundësia e fundit për ekipin e drejtuar nga Pep Guardiola për ta mbyllur me të paktën një trofe këtë sezon të dështuar.
Rezultati u zhbllokua në minutën e 16-të, ku Eberechi Eze shënoi pas një aksioni spektakolar të Crystal Palace dhe asistit të Munoz.
Në minutën e 35-të, Manchester City pati shansin e artë të barazonte shifrat pasi Bernardo Silva u pengua brenda zonës dhe arbitri akordoi penallti, por Omar Marmoush gaboi nga 11-metrat.
Goditja e egjiptianit pritet nga Dean Henderson. Një penallti shumë e diskutueshme, por fakti që nuk solli gol, bën që debate i krijuar rreth saj të harrohet.
Pjesa e parë mbyllet 1-0 për Crystal Palace, por ka ende edhe të paktën 45 minuta lojë për të ndryshuar fatin e ndeshjes.
