Eno Bozdo, i deleguari politik i Partisë Demokratike në Qarkun e Beratit, u zgjua nga gjumi i gjatë i tronditur nga rezultatet e votës së diasporës.
Gjatë fushatës, Bozdo mesa duket u lodh duke vrapuar nëpër qark për të luftuar votat brenda llojit.
Praktikisht, Eno në dy muaj fushatë nuk kërkoi vota qytetarësh për PD, por kërkonte vota preferenciale për një kandidat të vetëm duke e përçarë edhe më shumë elektoratin opozitar.
Axhenda e Enos dhe drejtuesve të fushatës ishte praktikisht pras, gjizë edhe raki nga ora 11 e drekës deri në 6 të mbasdites, pastaj bënte një orë gjumë të qetësohej.
Pasi u zgjua nga gjumi ku ëndërronte fitore, Bozdo thotë se rezultatet e Partisë Socialiste në Greqi janë aq të larta, sa që edhe Enver Hoxha do t’i kishte pasur zili.
Reagimi i plotë:
Edhe E. Hoxha do t’i kishte zili rezultatet e Partisë Socialiste, në kutitë e Greqisë!
PS merr rregullisht rreth 90% të votave, ndërsa PD 5% deri 7%!
Mirë që e kanë manipuluar tërësisht këtë proces, por pse kaq pa fantazi? Mund ta kishin mbajtur pak dorën, sa për ta bërë më të.pranueshëm procesin. Apo “..vetëm përpara..”.
Gjithsesi është një mjerim të shohësh këtë proces që ka degjeneruar kaq rëndë, që u nis në respekt të vëllezërve dhe motrave tona në emigracion dhe përfundon në dhunim të tyre!
