Sapo kanë filluar të grumbullohen protestuesit e opozitës.
Ashtu siç pritej, simpatizantë dhe mbështetës të Partisë Demokratike janë grumbulluar në bulevardin “Zogu i Parë”, në kryqëzimin të Ministria e Drejtësisë, rreth 700 metër larg Sheshit Skënderbej, ku po mbahet samiti i liderve europianë.
Kjo ishte një protestë e paralajmëruar, por që policia nuk ka dhënë leje. Përfaqësues të PD, si Flamur Noka, Jorida Tabuku, Enno Bozdo e të tjerë janë mbledhur në afërsi të bulevardit Zogu i Parë.
Deri tani protesta ka nisur me nota të qeta, nën “moton”: “Poshtë diktatura“, “Duam votat tona“, “Edi Rama kriminel”.
Këtë protestë, mungon kryetari i demokratëve, Sali Berisha, i cili ishte në Bruksel i vetëm për të mbajtur një fjalim në një samit nga ku tha se janë vjedhur zgjedhje.
