Policia e Tiranës ka arrestuar dy vëllezër, të cilët akuzohen për vjedhje. Në pranga janë vënë shtetasit A. N., 33 vjeç dhe K. I., 34 vjeç, të dy banues në Tiranë, me precedentë të theksuar për vjedhje.
Sipas bluve të kryeqytetit, ata akuzohen se kanë vjedhur një motor dhe disa matësa uji të një pallati në rrugën “Besa”, teksa denoncimi në Polici ishte bërë nga administratorët e pallatit, shtetasit N. Ç. dhe A. P. Raportohet se në afërsi të banesës së dy vëllezërve të arrestuar është gjetur edhe motori që ata kishin vjedhur.
Materialet procedurale i janë referuan Prokurorisë së Tiranës, për veprime të mëtejshme.
