Një ngjarje e rëndë është regjistruar mbrëmjen e djeshme në Fier, ku një bombol gazi ka shpërthyer rreth orës 11:20 në një banesë në lagjen “Konferenca e Pezës”,
Si pasojë e shpërthimit të bombolë, banesa është përfshirë nga zjarri dhe ka mbetur i plagosur pronari i banesës, shtetasi E. H., i cili ndodhet në spital nën kujdesin e bluzave të bardha.
Por, gjatë ndërhyrjes së shërbimeve të Policisë dhe forcave zjarrfikëse, bombola ka pasur një shpërthim të dytë dhe për pasojë janë dëmtuar dy punonjës të policisë, shtetasi Xh. P. dhe I. K., si edhe një punonjës i zjarrfikëses, shtetasi Sh. K., të cilët po marin mjekim në spital, jashtë rrezikut për jetën.
Policia thotë se grupi hetimor po punon për zbardhjen e plotë të rrethanave të ngjarjes.
