Kandidatja demokrate për Tiranën, Albana Vokshi foli për News 24 nga një qendër numërimi në Kamëz.
Ajo tregoi lidhur me incidenti më herët gjatë votimeve në Vorë, ku protagonist u bë ajo me Flamur Nokën ndaj disa personave për të cilët shprehet se janë pjesë të grupeve kriminale. Vokshi thotë se ata që ishin aty i ka denoncuar në SPAK më parë me emra dhe mbiemra.
“Kamzën e kam ndjekur nga larg. Jam informuar nga strukturat. Kam qenë prezentë në Vorë. Kanë qenë të instaluar grupe kriminale, me precedent penal, e gjithë administrata e bashkisë Vorë. Qendrat e votimit ishin me bandat duke intimiduar votuesit. Nuk mund të konsiderohen zgjedhje. Janë 30 vjet që ndjek zgjedh, por si Vorën nuk e kam parë ndonjëherë situatën. Gjithë personat e urdhëruar nga element kriminal që i kam denoncuar në SPAK 10 ditë më parë.
Kam dhënë info për të gjithë personat që sot ishin në QV. Kam dhënë emra, mbiemra, kam dhënë takime me ministrin Gonxhja, vende ku bliheshin apo shiteshin vota. Ku ishte SPAK? Kam marrë në telefon Dumanin. Nuk kishte këmbë polici. Kam denoncuar në SPAK para 10 ditësh. Të gjithë ata që ishin sot në Vorë, edhe ku takoheshin me ministrin Gonxhja. Edhe emrat e atyre që kryenin krime elektorale. Kam marrë në telefon drejtuesin e policisë. Çfarë ndodhi, hiç asgjë. Këto grupe kriminale kishin pajisur me bexha fallso.”
Sakaq, Vokshi shton se ajo është kërcënuar sot bashkë me familjen nga këto elemente kriminale.
“Në çdo qv kishte persona që ishin pajisur me bexha staf. Çdokush që ka votuar, sot jemi ndeshur bashkë me zotin Noka me vëllezërit Xhabafti. Na kanë kërcënuar në gjithë qendrat e votimit. Unë jam kërcënuar bashkë me familjen time. Asgjë nuk ndodhi. Ajo që dua të them, ata që kanë hyrë në ato qendra kanë qenë të intimiduar. Çdokush që ka votuar për PD është një hero.
Sot dola dhe jam përballur dhe rrezikoj veten time dhe familjen time. Sa kohë kam marrë përsipër këtë detyrë jam aty për mbrojtjen e votës. Mora në telefon Altin Dumani, nuk mu përgjigj. Mora në telefon Adnan Xholi mu përgjigj por pata një bisedë zhgënjyese. Nuk marr përsipër të vihem me të njëjtat mjete me armë që përdor banda kriminale, apo kryetari i bashkisë Kamëz apo Vorë.”
