Analisti Fatos Lubonja komentoi ecurinë e procesit të numërimit të votave të zgjedhjeve të 11 majit.
Teksa kutitë e votave po nxjerrin fituese PS me një shumicë dërrmuese, Lubonja thekson se kemi të bëjmë me një regjim autoritar, ku vendos partia shtet.
Sipas tij sa më shumë para dhe pushtet të ketë një parti aq më shumë mundësi ka për të dalë fituese.
Lubonja: Në regjime autoritare, në ato vende parti shtet. Kur sundon një parti shtet rezultati ndodh që sa më shumë rri sa më shumë skandale ke, sa më shumë krime, aq më shumë vota ke. Në 2021 kishin 30 mijë vota diferencë. Tani është më e madhe shifra. Kemi rritje të pushtetit. Është një sistem kontrolli dhe dominimi të tregut, oligarkia janë lidhur me partinë shtet. Kemi mekanizëm kontrolli të mediave gjithnjë e më shumë. Kemi një mungesë totale check and balance.
Janë njerëz në shërbim të regjimit që nuk i kanë humbur fare, nuk i kanë pasur reflekset demokratike të shtetit të së drejtës. Ca me frikë ca me para, ca me krimin fitohen votat. As mund të flitet për zgjedhjet të lira. Është rezultati më paradoksal. Mund të surprizohem vetëm atje ku ka fituar akoma opozita. Kukësi dhe Shkodra ishin bastione që merrnin diferenca shumë të mëdhaja. Tani janë aty aty. Aty ka qenë dhe Tom Doshit. Pyetja është cili është nga treguesit e kësaj që them unë. Në një sistem të lirë zgjedhor, partitë e vogla duhet të merrnin shumë vota. Se janë të pakonsumuar. Janë të panjollosur. Mjaft prezent në media. Kur vjen puna marrin vetëm 1 deputet. Tom Doshi merr 3. Nëse çdo gjë matet kush ka më shumë para, pushtet ai merr më shumë. Dhe jo kush është më i ndershëm.
Ky i ka ditur të gjitha. Gjithçka e organizuar, si në një regjim. Me presidentin që lë datën kur e do ky. Këtu ka vetëm denoncime. Denoncimet nuk duhet ti bëjë PD-ja. Duhet ti bëjë policia.
