Analisti Fatos Lubonja ka komentuar zhvillimet e fundit në Lindjen e Mesme, ku prej më shumë se dhjetë ditësh po zhvillohet një konflikt i ashpër mes Izraelit dhe Iranit.
Ai theksoi se përfshirja e Shteteve të Bashkuara në këtë konflikt e kthen situatën në një krizë me përmasa globale.
“Ndërhyrja e SHBA-ve në konfliktin Iran-Izrael ka përmasa botërore. Nga të gjitha anët po dominon logjika e forcës. Për mendimin tim, sulmi e ka kapërcyer kuadrin e të drejtës ndërkombëtare,” deklaroi Lubonja per News24.
Ai theksoi gjithashtu se Perëndimi, në veçanti SHBA, po përballet me një krizë të thellë legjitimiteti, për shkak të përdorimit të standardeve të dyfishta dhe zbatimit të politikave që mbështeten më shumë në forcën ushtarake sesa në zgjidhje diplomatike.
“SHBA-të, nën drejtimin e Trump më herët dhe edhe tani, kanë treguar se veprojnë me vendime të nxituara. Kjo është një logjikë force, jo negociatash,” tha Lubonja.
