Barcelona ka arritur të fitojë me rezultatin 4-3 “El Clasico-n” përballë Real Madrid, të vlefshëm për javën e 35-të të La Ligas, duke u shkëputur me 7 pikë në krye të tabelës dhe vetëm aritmetika ia u ndalon festën e shpalljes kampion.
Ndeshja nisi mjaft mirë për madrilenët ku arritën që të shënonin që në minutën e ‘5 të takimit. Gjyqtari Hernandez akordoi një penallti pas një ndërhyrje të gabuar të Wojciech Szczesnyt ndaj Kylian Mbappes, ndërsa më herët gaboi Pau Cubarsi. Nga pika e bardhë ishte i saktë Kylian Mbappe që shënoi për 1 – 0.
Në minutën e 14-të, sërish Mbappe mori një top shumë të mirë dhe arriti të shënojë për 2-0, duke menduar që madrilenët do ta kishin të lehtë fitoren.
Por në minutën e 19-të, Barcelona u kthye në lojë, me Erik Garcian që arriti të shënojë për 2-1. Ndërkohë në minutën e 32-të u barazuan shifrat, ku Lamine Yamal shënoi një gol të bukur për 2-2.
Barcelona nuk ndalej, duke sulmuar portën e Real Madridit që ishte në shok pas këtyre dy golave. Epërsia për katalanasit erdhi në minutën e 34-të, kur Raphinha shënoi pas asistimit të Pedrit, për 3-2.
Ritmi i lartë i lojës sillte raste nga të dyja anët, por Barcelona arriti të shënojë edhe njëherë pa u mbyllur pjesa e parë. Raphinha shënoi sërish, kësaj radhe pas asistimit të Ferran Torres për 4-2.
Pjesa e dytë kishte më pak raste dhe për rrjedhojë edhe më pak gola. Madrilenët arritën të hapnin ndeshjen në minutën e 70-të, me Vinicius Junior që asistoi te Mbappe që shënoi për 4-3. Edhe pse minutat e mbetur sollën shumë raste, ku anuluan, dy gola, nga një për secilin ekip, rezultati mbeti i pandryshuar.
Me këtë fitore Barcelona shkon në kuotën e 85 pikëve në vendin e parë, ndërsa Real Madrid mbetet në kuotën e 75 pikëve në vendin e dytë. Kanë mbetur vetëm tre javë nga fundi i kampionatit, ku Barcelonës do i mjaftojë edhe vetëm një fitore për t’u shpallur zyrtarisht kampione e këtij sezoni.
