Prokuroria e Elbasanit ka lëshuar katër udhër-ndalime, bazuar në një procedim penal për të goditur një rast të krimit zgjedhor në zonën e Belshit.
Procedimi penal ëshë regjistruar bazuar në një denoncim të kandidatit të PD-së në Qarkun e Elbasanit, Dritan Cani më 4 Maj, i cili e tregonte me video se kompania “Vëllezërit Hysa” po shtronte asfalt vetëm 7 ditë para zgjedhjeve parlamentare të 11 Majit. Sipas Canit, asfalti po shtrohej në lagjen e kryetarit të Partisë Socialiste të Belshit.
“Në datë 05.05.2025, ora 08:30, nga këqyrja në rrjetin social “Facebook”, është shfaqur postim “Asfalt elektoral në Belsh”, në video dallohet një kamion me mbishkrimin “Vëllezërit Hysa” dhe mbrapa saj një mjet që shtron asfalt. Në këmbë gjendet kandidati i një koalicioni zgjedhor shtetasi Dritan Cani. Ky shtetas në video mes të tjerash relaton se: “I bëj thirrje Kryetarit të Bashkisë Belsh, që pse shtrohet ky asfalt tani, një javë para zgjedhjeve”.
Në kuadër të këtij procedimi janë kryer disa veprime hetimore si kqyrja e vendit të ngjarjes, kqyrja dhesocialistrimi i dokumentacionit mbi punimet në rrugë (praktika e mbajtur nga ana e Bashkisë Belsh dhe nga subjekti “Vëllezërit Hysa” shpk), administrim i deklarimeve të personave që kanë dijeni rreth veprës penale.
Në tërësi të veprimeve hetimore të kryera deri në këto momente, rezulton se ka dyshime të arsyeshme që punonjës të IMT Bashkia Belsh kanë kryer veprën penale të “Shpërdorimit të detyrës” të parashikuar nga neni 248 i Kodit Penal, pasi me mosveprimet e tyre kanë lejuar që subjekti “Vëllezërit Hysa” shpk të shtrojnë pa projekt rrugë të brendshme në qytetin e Belshit, të dyshuara të kryera në funksion të fushatës elektorale për zgjedhjet e datës 11.05.2025.
Nga ana e subjektit “Vëllezërit Hysa” shpk është kryer vepra penale e “Ndërtimit të paligjshëm” parashikuar nga neni 199/a/3 i Kodit Penal.” – thuhet në njoftimin e Prokurorisë.
Organi i akuzës bën me dije se nga 4 urdhër-ndalimet e lëshuara prej saj, nga ana e Policisë janë ekzekutuar vetëm dy prej tyre për shtetasit F.M. dhe L.H.
Ndërkohë, masat e ndalimit nuk janë ekzekutuar për shtetasit Besnik Hysa dhe Dhiogjen Kristo, të cilët janë administratorët e kompanisë “Vëllezërit Hysa” shpk. Ata janë shpallur në kërkim nga Policia, teksa Prokuroria thotë se janë ushtruar kontrolle vendesh.
Pronarë të kompanisë “Vëllezërit Hysa” shpk rezultojnë shtetasi Flutura Hysa me 40% të aksioneve, si edhe shtetasit Kujtim dhe Besnik Hysa me nga 30% të aksioneve secili.
DENONCIMI I KANDIDATIT DRITAN CANI
Detaje hetimi/ “Vëllezërit Hysa” sajuan kompani fiktive për tenderin Kardhiq-Delvinë
Tender fiktiv/ Agroni i “Vëllezërit Hysa” gjeti nënkotraktorët për Tunelin e Skarficës
