Partia Demokratike, përmes njlë deklarate nga selia blu, ka denoncuar emrat që janë të përfshirë në krim zgjedhor për zgjedhjet parlamentzare të 11 Maj, të përfshirë kryesisht në blerje votash.
Ka qenë deputetja Albana Vokshi, e cila përmendi emër për emër, teksa theksoi se rasti është referuar edhe në Prokurorinë e Posaçme (SPAK). Personat e përfshirë në krime zgjedhore janë ish-kryeplaku i Fushë-Mamurrasit, punonjës të Bashkisë Mamurras dhe kryetari i njësisë Milot.
“Në Mamurras është bërë publik rasti që është referuar edhe në SPAK. Personat e përfshirë në shitblerjen e votës janë: Bashkim Lika – ish-kryeplak i Fushë-Mamurrasit, Afrim Memas, Alban Myftari, Klot Preçi – punonjës të bashkisë Mamurras, Sham Preci, Iris Menga – punonjëse në bashkinë Mamurras, Dor Menga, Fran Menga, Rigel Sleshi, Bernard Pali, Rudolf Toma – punonjës të bashkisë Mamurras, Simon Pernika dhe Artan Preci – kryetar i njësisë Milot.” – tha Vokshi.
