Tym i bardhë është ngritur pasditen e kësaj të enjte nga oxhaku i Kapelës Sistine në Vatikan, duke sinjalizuar se është zgjedhur Papa i ri që do të pasojë Papa Françeskun, i cili ndërroi jetë muajin e kaluar.
Votimi i tretë në konklavën e 133 kardinalëve në Vatikan për zgjedhjen e Papës ka rezultuar me sukeses, pasi dy votimet paraprake ishin të pasukesshme.
Për zgjedhjen e Papës së ri duhen votat e dy të tretat e vota apo 89 vota nga 133 kardinalë, të cilët janë izoluar në Kapelën Sistine që nga dita e mërkurë.
Emri i Papës së ri ende nuk është bërë i ditur, por do të bëhet e qartë kur ata të dalin në ballkonin e Kapelës Sistine.
Papa i ri do dërgohet në një dhomë të vogël pranë Kapelës Sistine, ku do të veshë rrobat e bardha papnore.
Kardinali i lartë së shpejti do ta konfirmojë vendimin me fjalët “Habemus Papam” – latinisht do të thotë “kemi një Papë”, dhe do ta prezantojë Papën e ri me emrin e tij të zgjedhur papnor.
