Lëvizja BASHKË vijon me takimet elektorale në kuadër të zgjedhjeve të 11 Majit.
Lëvizja BASHKË, teksa ka ndarë në rrjete sociale disa foto nga takimi me qytetarët në Njësinë 5 në Tiranë, shprehet se Tirana po shpërfytyrohet nga interesat klienteliste që shesin çdo hapësirë publike për pasurimin e një pakice, ndërsa shumica përballet me kosto jetese të papërballueshme dhe ajër që vret.
Lëvizja BASHKË thekson se çdo vit, mbi 3000 qytetarë humbin jetën për shkak të ndotjes, por kjo shifër nuk i shqetëson ata që numërojnë kullat dhe jo njerëzit.
Postimi i plotë:
Sot Lëvizja BASHKË u rikthye në Njësinë 5, një nga zonat ku mori mbështetjen më të madhe në zgjedhjet e vitit 2023. Qytetarët e njohin peshën e jetës së përditshme në një qytet që po mbytet nga betoni dhe paratë e pista.
Tirana po shpërfytyrohet nga interesat klienteliste që shesin çdo hapësirë publike për pasurimin e një pakice, ndërsa shumica përballet me kosto jetese të papërballueshme dhe ajër që vret. Çdo vit, mbi 3000 qytetarë humbin jetën për shkak të ndotjes, por kjo shifër nuk i shqetëson ata që numërojnë kullat dhe jo njerëzit.
Lëvizja BASHKË flet për qytetin që punëtorët dhe qytetarët e ndershëm e duan, jo për qytetin që oligarkët duan ta betonojnë. Për një Tiranë ku jetohet me dinjitet, jo ku mbijetohet mes zhavorrit dhe padrejtësisë.
