Kreu i “Nisma Shqipëria Bëhet”, Adriatik Lapaj, ka mbyllur fushatën elektorale për zgjedhjet e 11 maji në Lezhë, ku ka deklaruar se koalicioni që ai përfaqëson nuk është “parti e vogël me interes të vogël”, por një lëvizje e madhe që ka për qëllim transformimin e vendit.
Sipas Lapajt, “Shqipëria Bëhet” sjell një program konkret, me fokus të drejtpërdrejtë në ekonomi, ndërsa ironizoi partitë kundërshtare.
Lapaj e krahasoi koalicionin që drejton me një shkëndijë dhe ortek që ka potencialin të shkaktoj ndyshime të mëdha.
“Është vjedhur pafund ndaj jemi në këtë rrugë, për t’i dhënë fund hajdutërisë dhe për të sjellë kohën e bërjes së Shqipërisë si e gjithë Evropa. Janë të vegjël se mundohen të demotivojnë qyetarin.
Tha këto partitë e vogla janë interes atë vogla, ouu, dmth ky është interes i madh, interes i atyre që kanë vjedhur 400 milion euro me inceneratorët që mungojnë, e atyre që kanë vjedhur 200 milion euro me check up, sterilizimin, e atyre që kanë vjedhur paratë e Tunelit të Llogarisë, 183 milion euro dhe rrugës së Arbrit, mbi 300 milion euro.
Ne nuk jemi përfaqësues i interesave të vogla, ne jemi ata që duam ndryshimin për të jetuar në vatrat tona, kundër atyre që kanë marrë peng atdheun. Kjo është një betejë e vështirë, por jo e pamundur.
Kur e nisëm këtë rrugë, motra, vëllezër, nëna, baballarë, ishim një grusht djemsh dhe vajzash që kishin një ëndërr, demokratizimin e atdheut, e ndër të cilët tham dhe votën e diasporës, të gjithë na thoshin nuk e bëni dot, sepse nuk keni numra, sepse ata kanë mandatë në parlament, a është fakt sot se diaspora po voton, a ja dolëm? Kështu do t’ja dalim në çdo gjë.
Gjithçka në fillim nis me pak, por diferencën mes atyre që bëjnë ndryshimet e mëdha dhe atyre që nuk ua dalin është fakti i qëndrueshmërisë, ne jemi të vendosur dhe nuk po ndalemi, nuk do ndalemi deri sa ta realizojmë.
Një guriçkë e vogël e shkakun ortekun në male. Një shkëndijë e vogël i djeg pyjet qindra vjeçe, një e çarë e vogël e mbyt anijen e madhe. Ne e kemi nisur si të vegjël, por do jemi shkëndija, orteku, e çara e sistemit që do t’i jap fund bandave.
Shikoni modelet dhe krahasojini, çfarë kemi përballë, një politikë që program të vetin ka kukumjaçka, këneta, timoni, tepsia, miu, zhapiku, çamçakëzi, nga këto historitë e tallavasë që ka 34 vite që i ka lënë shqiptarët pa ujë te shtëpi, pa fëmijët, me rroga më të ulëta, pa ilaçe.
Ndërkohë ne kemi një program të qartë që në thelb ka ekonominë! Ne flasim për halle, zgjidhje, themi çfarë do të bëjmë që në këtë vend të fillojë të ketë ekonomi, të ketë fabrika, të ketë vende pune, që rinia të mos iki, por të rrijë dhe të kthehet në vatrat tona“, tha Lapaj.
