Një aksident automobilistik është regjistruar pasditen e kësaj të marte, rreth orës 16:25, në rrugën pranë Kishës “Shna Ndou” të Laçit.
Autoritetet policore raportojnë se shtetasja A.Z., 45 vjeçe, duke drejtuar automjetin e saj tip “Benz”, ka humbur kontrollin mbi drejtimin e mjetit dhe për pasojë makina ka përplasur këmbësorët shtetasen D.D., 21 vjeçe, shtetasin E.R., 39 vjeç, si dhe shitësen ambulante shtetasen A.Gj., 18 vjeçe.
Si pasojë e aksidentit, dy këmbësorët dhe shitësja ambulante kanë mbetur të plagosur dhe janë dërguar në spitalin e Laçit ku po marrin ndihmë mjekësore dhe janë jashtë rrezikut për jetën.
Grupi hetimor po vijon veprimet për sqarimin dhe dokumentimin e plotë të rrethanave të ngjarjes.
