Aventurës së Jose Mourinho te Fenerbahce po i vjen fundi. Portugezi është i pakënaqur me nivelin e kampionatit turk, ku vazhdimisht ka hedhur akuza për nivelin e dobët të arbitrimit, apo akuza direkte për favorizim të Galatasaray-it.
Po ashtu, edhe drejtuesit e Fenerbahce-s duket se janë lodhur me tekat e shumta të portugezit, ndaj pritet të vijë ndarja në mqnyrë paqësore në fund të sezonit.
Ndërkohë, “The Telegraph” raporton se Jose Mourinho është drejt rikthimit në Premier League.
Emri i portugezit është lidhur shumë me ekipin e Leeds, i saposhpaull kampion në Championship fundjavën e kaluar dhe sezonin e ri do luajë në Premier League.
Leeds ka një projekt ambicioz ku nuk synohet vetëm qëndrimi në elitë në sezonin e ri, por mbi të gjitha të jetë një ekip konkurrues dhe të rikthehet në mesin e ekipeve më të mira në Premier League.
Dhe sipas raportimit në fjalë, Mourinho shihet si njeriu i duhur për t’i besuar këtë projekt ambicioz.
