Ish-fermerja Danela Shima vijon të magjepsë me rrëfimet e saj për vëllain “Dragua”, i cili ka ndërruar jetë një vit para se ajo të lindte.
Danela ka treguar në studion e Living Room në Vizion Plus të moderuar nga Brunilda Lahe se vëllait të saj i kanë ndërtuar një shtëpizë të vogël mbi varrin e tij, pasi ai i doli në ëndërr nënës dhe kërkoi një çati që të mos lagej nga shiu.
Ndërsa shtoi se prej kohësh te varri i vëllait të saj shkojnë shumë njerëz për ta vizituar pasi aty gjejnë shërim.
Ajo tha se është vetë vëllai i cili u shfaqet në ëndërr njerëzve me probleme dhe i kërkon ta vizitojnë në mënyrë që t’i ndihmojë.
Pjesë nga biseda:
Danela: Ne i kemi bërë një shtëpi të vogël, se ai kërkonte një shtëpi se thoshte që më lag shiu. Te ajo shtëpi mamit iu dha një dhunti që të shikonte qiriun. Ai ju dilte në ëndërr çdo njeriu që kishte nevojë për të , ju thoshte që të vinin te ai se i shëronte ai. Është edhe sot e kësaj dite kjo shtëpi.
Brunilda Lahe: Ku është shtëpia?
Danela: Është te varrezat është e mbuluar me çati, vetëm anash është e hapur që ai të ketë mundësi të dalë.
Hysni Dankshi: Thonë që ata kanë fuqi të mbinatyrshme edhe pas vdekjes.
Danela tregoi se mbesa e saj ka fuqi të flasë me njerëzit që kanë ndërruar jetë. Ajo rrëfeu se ndodh shpesh që mbesa flet më vëllain e saj “Dragua”, duke treguar një rast ndërsa po vizitonin varrin e tij.
Danela Shima: Unë kam një ëngjëll më mbron gjithë kohës, e ndiej.
Brunilda Lahe: Si e ndien?
Danela Shima: Më ka ndodhur një rast, ishte aksham, shkoj te varrezat, fatmirësisht ishin dhe 2-3 njerëz të tjerë me mua edhe një Hoxhë. Duke komunikuar me mua më tha pse të ra trupi ty. Vajza e motrës është fëmijë me dhunti, ajo e shikon, komunikon me të, e sheh edhe mamin, por më shumë kontakt ka me vëllain.
