Presidenti i SHBA-së, Donald Trump bëri një tjetër njoftim të jashtëzakonshëm përmes llogarisë së tij në Truth Social, këtë herë në lidhje me blerjen e naftës nga Irani. Trump po bën thirrje që të gjitha blerjet e naftës dhe produkteve petrokimike iraniane nga Irani të ndalen menjëherë ndërsa shton se do të vendosen sanksione dytësore ndaj këtyre shitjeve.
Presidenti shkruan se vendet që blejnë naftë iraniane nuk do të lejohen të bëjnë biznes me SHBA-në në asnjë mënyrë ose formë.
“PARALAJMËRIM: Të gjitha blerjet e naftës iraniane ose produkteve petrokimike duhet të ndalen TANI! Çdo vend ose person që blen ÇFARËDO SASIE NAFTË ose PETROKIMIKATESH nga Irani do t’i nënshtrohet menjëherë Sanksioneve Dytësore. Ata nuk do të lejohen të bëjnë biznes me Shtetet e Bashkuara të Amerikës në asnjë mënyrë, formë apo formë. Faleminderit për vëmendjen tuaj ndaj kësaj çështjeje, PRESIDENTI DONALD J. TRUMP,” shkruan ai.
Më herët gjatë ditës së sotme, Trump njoftoi se Marco Rubio – Sekretari aktual i Shtetit – do të shërbejë që tani e tutje si Këshilltar i Sigurisë Kombëtare, ndërsa Mike ëalz do të bëhet ambasadori i ardhshëm i SHBA-së në Kombet e Bashkuara.
