Analisti Fatos Lubonja ka folur për ecurinë e fushatës zgjedhore të 11 majit.
Lubonja theksoi se vota e diasporës do jetë faktori kyç në këto zgjedhje, ndërsa shtoi se Rama manipulimin më të madh do ta bëjë me emigrantët.
Sipas parashikimit të tij, Rama dhe mazhoranca goditjen elektorale do e bëjnë në diasporë dhe jo brenda vendit.
“Vota e diasporës do jetë faktor kyç në fitoren e mazhorancës. Edhe duke analizuar sondazhet, mundet që Edi Rama sado kudo brenda vendit e ka më të vështirë se në 2021. Mendoj unë. Goditjen do ta bëjë me diasporën. Manipulimin më të madh do e bëjnë atje. Pa dyshim do ketë skenar kontestimi të zgjedhjeve. Kjo periudhë e fundit e nxjerr qartazi drejtësinë të kontrolluar nga mazhoranca. Sjellja e tyre për të parandaluar krimin zgjedhor mungon”, tha Lubonja në News24.
