Edi Rama, gjatë një vizite në Kukësin e kthyer në një qytet fantazëm nga emigrimi masiv, premton në delir se do e kthejë këtë qark në një destinacion turistik me 1 milion vizitorë deri në vitin 2030.
Teksa rinia e Kukësit ka braktisur vendin për shkak të politikave të Ramës dhe ka emigruar kryesisht drejt Anglisë për më shumë mundësi, kryeministri bën premtime të parealizueshme dhe që janë shumë larg realitetit.
“Më 2030, qarku Kukës do të ketë 1 milion turistë. BE na ka hapur dyert, mjafton që ne të bëjmë detyrat që na janë ngarkuar. Skënderbeu e përcaktoi se vendi i Shqipërisë është në perëndim dhe jo në lindje. Edhe Rilindasit thanë se për ne shqiptarët, dielli lind andej nga perëndon. Treni i historisë na ka dalë përpara syve dhe nuk duhet ta humbim sërish. Mos votoni si tifoz, se ja jep votën kënetës dhe e lë Kukësin në gjendje të rëndë. Ne duam që çdo fëmije t’i japim pasaportën europiane.”- tha Rama.
