Mosmiratimi i Ligjit për fertilizimin e asistuar dhe shëndetin riprodhues, dezinformata dhe gjuha e urrejtjes ndaj grave beqare nga disa deputetë ne Kuvendin e Kosoves, jane vetem disa nga ceshtjet e ngritura nga raporti vjetor i Amnesty Internacional si shkelje e te drejtave te njeriut.
“Qasja per fertilizimin invitro vazhdoi te ofrohet vetem në klinika private, pas një tjetër tentimi të dështuar në parlament për ta kaluar ligjin për shëndetin riprodhues që do ta mundësonte kete sherbim ne spitalet publike” thuhet ne raport, duke evidentuar edhe gjuhen e disa deputeteve të cilët e kishin kundërshtuar këtë ligj, me arsyetimin se keshtu mbronin familjen.
Të njëjtit deputetë kanë kundërshtuar edhe kalimin e Kodit Civil në Kuvendin e Kosovës – i cili megjithatë nuk është sjellë për miratim në Kuvend që nga viti 2022.
Mospajtimet e deputetëve lidheshin me nenin që do të mundësonte hartimin e një ligji të posaçëm, përmes të cilit do të lejohej regjistrimi i “bashkësive civile” ndërmjet personave me gjini të njëjtë.
Përpos dështimit të kalimit të Kodit Civil, Amnesty International, në raportin vjetor, theksoi se të mbijetuarit e dhunës në familje që i përkasin komunitetit LGBTI+ (lesbikë, gej, biseksual, transgjinorë, ndërgjinorë, etj) “nuk kanë ende qasje në strehimore të specializuara”.
Në pjesën për Kosovën të këtij raporti përmendet edhe dështimi në tentimin e Kosovës për t’u anëtarësuar në Këshillin e Evropës, tentimet për të hetuar dhe gjykuar rastet e krimeve të luftës, miratimin e Ligjit për Komisionin e Pavarur të Mediave – që megjithatë javën e kaluar u shfuqizua nga Gjykata Kushtetuese, dhe marrëveshja me Danimarkën për strehimin e të burgosurve në Kosoves.
Raporti vjetor i Amnesty International jane rezultatet e nxjerra nga kjo organizate nderkombetare me qellim kryesor evidentimin respektimin e të drejtave te njeriut nëpër botë.
