Inter është mundur në “San Siro” nga Roma me rezultatin 0-1 në kryendeshjen e javës së 34-të në Serie A.
Inter-it i duhej me patjetër fitorja pasi kryeson me pikë të barabarta kreun me Napolin, në anën tjetër Romës po ashtu i duhej me patjetër fitorja pasi pretendon për vendin e katërt.
Në minutat e para, Interi ka qenë më kërkues, por është Roma ajo që kaloi e para në avantazh. Verdhekuqtë e drejtuar nga Claudio Ranieri kanë gjetur golin me Matias Soule në minutën e 22-të.
Një pjesë e parë shumë e dobët nga zikaltrit e Inzaghi-t, gjë që nuk ndryshoi as në pjesën e dytë. As zëvendësimet e kryera nga Inzaghi nuk sollën ndonjë dobi në lojë. Rezultati përfundimtar, Inter-Roma 0-1.
Inter me këtë humbje mund të ketë hedhur poshtë gjithë sezonin. Në rast se Napoli fiton sonte në darkë ndaj Torino-s, shkon +3 pikë nga zikaltrit.
