Drejtuesi politik i PL-së për qarkun e Beratit, Lefter Maliqi, ka hedhur poshtë të gjithë zërat se mund të largohet nga politika dhe thekson se mbetet opozitari më i fortë se mbi 50% e deputetëve të PD.
“Ju drejtues lokal oligarkë e bandit të korruptuar, s’do arrini dot kurrë të më mundni! Me miliardat tuaja, mund të blini shisni ndonjë demokrat apo opozitar, në thonjëza, por jo demokratët dhe socialistët e ndershëm që janë kundra jush, si llumi i shoqërisë, si gjakëpirës”– shprehet ndër të tjera Maliqi.
Në fund Maliqi i ka dërguar të fala Edi Ramës të cilin e cilëson si çyryk. Ky koment i tij thumbues vjen pas gafave të Edi Ramës gjatë fushatës ku i ka cilësuar burrat shqiptarë si çyrykë e madje edhe si autikë sepse mbështesin ‘kënetën’.
Postimi i plotë:
Reagim i fortë kundra shpifësve ordinerë të çdo ngjyre politike të shitur tek Rilindja, që kanë frikë votën popullore që unë fitoj në Qarkun Berat. Kam qënë dhe mbetem opozitari më i fortë se mbi 50 % e Deputetëve të PD-së dhe se luan topi dhe do jem deri në fund, deri në fitoren ndaj kësaj organizate kriminale Rilindase, që përhap fjalë brenda PD-së se Lefter Maliqi mund të largohet!
Ju drejtues lokal oligarkë e bandit të korruptuar, s’do arrini dot kurrë të më mundni! Me miliardat tuaja, mund të blini shisni ndonjë demokrat apo opozitar, në thonjëza, por jo demokratët dhe socialistët e ndershëm që janë kundra jush, si llumi i shoqërisë, si gjakëpirës! Turp e faqezezë për ju monstra të Rilindjes! Do merni përgjigjen e merituar më 11 Maj në Qarkun Berat.
E di që ju lash me gisht në gojë se lobuat edhe djathtas që emri im mos të ishte në kandidim, por këtu do më keni në Parlament dhe derisa të fitojmë edhe Bashkitë e Qarkut Berat duke e kthyer Beratin, Kuçovën, Skraparin, Dimalin dhe Poliçanin në Blu dhe në shërbim të zhvillimit, ndryshimit dhe mirëqënies për këta qytetarë e banorë të mbrekullueshëm! Rilindas me ndiqni të Dielën më datë 27 ora 19:00 para Bashkisë së grabitur të Kuçovës!
Te fala i bëni Çyrykut! Fitore
