Mbrojtësi i Kombëtares, Adrian Bajrami ka shënuar golin e parë me ekipin A të Benficas. 23-vjeçari e nisi ndeshjen si titullar dhe mundi të gjente rrjetën para tifozëve të tij, duke dhënë një sinjal se është gati për më shumë minuta.
Në ndeshjen e Kupës, të fituar 4-0 kundër Tirsense në “Stadiumin e Dritave”, Bajrami e nisi ndeshjen nga minuta e parë.
Duhej minuta e 74-t që ai të përfitonte nga zhvillimet e një këndoreje dhe mos gabonte nga pranë portës për të festuar golin me ekipin A.
Përtej golit, 90 minutat në fushë ishin shumë të mira për Bajramin që u vlerësua me notën 8,1. Kujtojmë se djaloshi është kapiten i Benfica B dhe ka zhvilluar tre ndeshje për Kombëtaren.
Tanimë Benfica shkon në finalen e Kupës së Portugalisë dhe më 25 maj e diskuton trofeun kundër Sportingut të Lisbonës.
ADRIAN BAJRAMI GETS HIS FIRST GOAL FOR BENFICA. pic.twitter.com/Ujt9SSrxgm
— Illyrian Footy (@IllyrianFooty) April 23, 2025
