Cristiano Ronaldo, i njohur jo vetëm për sukseset në fushën e blertë por edhe për bujarinë e tij, ka lënë një bakshish mbresëlënës prej 20 mijë eurosh stafit të një resorti luksoz në Costa Navarino, Greqi, ku kishte kaluar pushimet në vitin 2018.
Pas një qëndrimi të këndshëm me familjen dhe miqtë e tij në këtë resort pesë yje, ylli portugez, i kënaqur nga mikpritja dhe shërbimi, vendosi t’u dhuronte nga 2000 euro secilit prej 10 punonjësve që ishin kujdesur për të dhe që e kishin mbrojtur nga paparacët. Ronaldo kërkoi që shuma të ndahej në mënyrë të barabartë mes tyre.
Ngjarja ndodhi pas eliminimit të hershëm të Portugalisë nga Botërori 2018 dhe është një shembull tjetër i bujarisë së CR7, i cili ndonëse nuk arriti të fitonte kampionatin në Arabinë Saudite, vazhdon të jetë ndër sportistët më të paguar në botë.
