Kryeministri Edi Rama ka sulmuar burrat që mbështesin Sali Berishën, duke theksuar se kush shkon, sipas tij, në kënetë është gjysmak.
Edi Rama është “shfazuar” duke përdorur në kuptimin negativ autizmin, ndërkohë që pretendon se qeveria e tij është e ndjeshme ndaj personave me aftësi ndryshe dhe i ka mbështur ata.
Por, në një takim elektroal në Gjirokastër ai thekson me bindje prej të marri se kush zgjedh kënetën në vend të BE-së është autik, duke treguar kështu hapur hipokrizinë e tij në përpjekje për të deningruar opozitën.
“Paguajtën lekët e dynjasë për të paguar Latifin. Më hidhen mua pse them gjysma e burrave janë çyrykë.
Po ça të them, e them si metaforë, nuk është raport klinik. Për mua kush shkon në kënetë është gjysmak. Të zgjedhësh midis BE dhe kënetës, kënetën dmth nuk je mirë, politikisht je autik, s’e mirë”, tha Rama.
Konventat e OKB-së dhe OBSH-së i konsiderojnë si fëmijë me aftësi ndryshe, ndërkohë Rama e përdor si ofendim në fushatë për ata që nuk e votojnë.
Rezoluta e vitit 2007 e OKB-së theksoi nevojën për të rritur ndërgjegjësimin e publikut për autizmin. Sot, më shumë se 17 vjet më vonë, lëvizja globale është zgjeruar përtej vetëdijes për të promovuar në mënyrë aktive pranimin, vlerësimin dhe përfshirjen, duke njohur kontributin që njerëzit autikë japin për komunitetet e tyre dhe botën në përgjithësi.
Duke ratifikuar konventën, qeveritë angazhohen të respektojnë të drejtat e personave nën 18 vjeç për pjesëmarrje në vendimet që i prekin ata, për mbijetesën dhe mbrojtjen nga çdo rrezik.
Neni 4 thotë se kur qeveritë miratojnë konventën, ato do të marrin “të gjitha masat e duhura” për ta vënë atë në praktikë. Ajo gjithashtu thotë se kur veprojnë për të drejtat ekonomike, sociale dhe kulturore, qeveritë bien dakord për të bërë maksimumin e mundshëm me mjetet që kanë në dispozicion.
Ndërkohë kryeministri shqiptar, i tmerruar nga rezultati që mund të marrë më 11 Maj, e përdor termin “autik” si ofendim.
Mashtrimi i Ramës me mbështetjen speciale për fëmijët autikë
Në mars të këtij viti, teksa jepte premtime që me shumë gjasë nuk do ti përmbushë kurrë, Rama tha se nga janari i vitit të ardhshëm do të nisë një ndihmë e posaçme për fëmijët me aftësi të veçanta, veçanërisht ata me autizëm, për të siguruar një trajtim më të drejtë dhe të personalizuar.
Por siç duket, Rama i ka harruar premtimet e tij boshe për të mbledhur vota, dhe sot e tregoi hapur fytyrën e tij në përpjekje për të denigruar opozitën.
“Ndërkohë që kemi bërë një mbështetje speciale falë edhe Këshillimit Kombëtar për nënat kryefamiljare me tre fëmijë, duhet dhe deri në mandatin e katërt do t’i japim një mbështetje speciale të gjithë fëmijëve me aftësi të veçantë, duke filluar nga fëmijët që vuajnë nga autizmi dhe të gjithë të tjerët që janë në programet e mbështetjes, por që duke marrë parasysh, se janë fëmijë, duke marrë parasysh se çfarë do të thotë për familjen, meritojnë një mbështetje ekstra, jo thjesht si kategori e përgjithshme personash me aftësi të kufizuar dhe kjo mbështetje do të jetë një mbështetje që do të fillojnë ta marrin qysh janarin e vitit të ardhshëm.“- tha Rama.
