Gjykata Kundër Korrupsionit dhe Krimit të Organizuar ka dënuar me 4 vite burg Muhamet Manollarin, i cili në vitin 2013 i dërgoi 864 euro babait të tij që ishte pjesë e organizatës terroriste. Manollari akuzohet për veprën penale “Financimi i terrorizmit”.
Hetimet e kryera nga SPAK kanë zbuluar si i pandehuri është djali i Mehdi Manollarit, i cili është larguar në 5 Maj të vitit 2013 nga Shqipëri për në Siri, duke u bërë pjesë e organizatës ISIS. Në vitin 2016 është shpallur në listën kombëtare të personave për financim të terrorizmit.
Në 19 Nëntor të 2018 djali i tij Muhamet Manollari, ka transferuar shumën prej 864 Eurosh në favor të një shtetasi sirian, me qëllim për t’ia dërguar babait të tij, i cili në atë kohë ndodhej në Siri. Për të dërguar këtë shumë parash, i pandehuri, nuk ka përdorur emrin e tij, por ka përdorur një kartë identiteti në emër të një gruaje, e cila e kishte raportuar atë të humbur, disa kohë para ngjarjes.
Manellari pjesë e organizatës terroriste ISIS, sipas Prokurorisë së Posaçme besohet të ketë vdekur në vitin 2019.
