Policia e Vlorës ka goditur një rast të përsëritur t vjedhjes së pronës, dhe si rezultat është arrestuar një person me precedent penal për të njëjtën vepër penale.
Në kuadër të operacionit të koduar “Again” është vënë në pranga shtetasi Robert Pekmezi, 53 vjeç, banues në Vlorë, i cili është kapur duke u larguar me një fugon, të cilin e kishte vjedhur në fshatin Nartë.
Robert Pekmezi ndodhej në masën e sigurisë “Arrest në shtëpi”, për veprën penale “Vjedhja”, të cilën e kishte thyer për të shkuar sërish për të vjedhur.
Policia thotë se po vijon punën hetimore për dokumentimin e plotë të këtij rasti, si dhe për të verifikuar nëse ky shtetas është autor edhe i vjedhjeve të tjera të ndodhura më parë në qytetin e Vlorës dhe në fshatrat përreth.
Materialet procedurale i kanë kaluar Prokurorisë së Vlorës për veprime të mëtejshme.
