Ka ndërruar jetë në spital edhe 14-vjeçari, i cili u aksidentua mbrëmjen e djeshme me motor bashkë me shokun e tij, në fshatin Stom-Golem, të Shkodrës.
I mituri u dërgua me urgjencë në gjendje të rëndë në spitalin e Shkodrës, ku nuk ka arritur dot t’u mbijetojë plagëve të marra dhe fatkeqësisht ka ndërruar jetë.
Ndërkohë, në vendin e ngjarjes, humbi jetën dhe shoku i tij, një 16-vjeçar, i cili ishte dhe drejtuesi i motorit. Ata po ata udhëtonin me motor dhe pasi humbën kontrollin e mjetit, janë përplasur me një mur, aksident i cili shkaktoi dy viktima të mitur.
Policia njoftoi dje se grupi hetimor, nën drejtimin e Prokurorisë, po punon për sqarimin e rrethanave dhe shkakut të aksidentit.
