Kreu i Partisë Demokratike Sali Berisha këtë të hënë, ka zhvilluar një takim me personat me aftësi ndryshe, ku këtyre të fundit iu premtoi pensione dinjitoze, kushte dhe shërbime më të mira nga shteti,
Ndërsa më tej Berisha nuk kurseu akuzat dhe ironitë ndaj qeverisë aktuale.
Kreu i PD-së tha se ministrat socialistë janë “çmendur pas luksit”.
“Janë çmend pas luksit, qenia zyrtar kërkon të respektosh një kod të caktuar. Ato bëjnë garë me rrobat më të kushtueshme sikur janë princesha dhe i kanë provat ato para, sepse vet kryeministri i tyre pranon orë 500 mijë euro dhuratë dhe thotë se këta hanë dardha. Kur ti pranon orën me diamante 500 mijë euro, atëherë dhe ato thonë dhe ne po marrim çanta 30 mijë euro. Luksi për zyrtarët është i papranueshëm, ata nuk duhet ta lëshojnë veten pas luksit se po e çoi veten pas luksit vjedh“, tha Berisha.
