Lëvizja Bashkë e udhëhequr nga Arlind Qori ka vijuar takimet elektorale në Tiranë.
Aktivistët kanë dalë në terren në njësitë 8 dhe 3 në kryeqytet për të dëgjuar shqetësimet e qytetarëve dhe për të ndarë programin politik.
Problemet ekonomike janë kryefjala e shqetësimeve të qytetarëve.
“Sot aktivistët e Lëvizjes BASHKË ecën në rrugët e Njësisë 8 dhe 3 në Tiranë, për të biseduar me qytetarët, për të dëgjuar shqetësimet e tyre dhe për të ndarë programin tonë politik. Në çdo lagje, në çdo rrugicë, ndjen një pakënaqësi dhe varfërisë që rri pezull mbi jetën e shumicës.
Shumë qytetarë folën për çmimet që nuk i përballojnë dot më, për mungesën e mbështetjes sociale, për papunësinë dhe pasigurinë. Na treguan se janë lodhur nga politikanë që shfaqen vetëm në prag zgjedhjesh dhe zhduken sapo marrin votën.
Ecja jonë nëpër lagjet e Tiranës nuk është thjesht fushatë – është dëshmi se politika mund të jetë ndershmëri, afërsi dhe guxim për të sfiduar padrejtësitë. E reja po lind, dhe po rritet nga një derë në tjetrën”, shkruan Lëvizja Bashkë.
