Interi i këtij sezoni po shkëlqen më shumë se kurrë. Me një skuadër të balancuar, shpirt gare dhe trajner të vendosur, ‘azzurët’ janë kthyer në një nga skuadrat më të frikshme në Evropë dhe me ‘tripleta’ legjendare.
Në kampionat, ata udhëheqin bindshëm në Serie A, ndërsa në Evropë, fitorja 1-2 ndaj Bayern Munich në çerekfinalen e Ligës së Kampionëve ka bërë që tifozët të ëndërrojnë sërish për një tjetër sezon historik.
Një nga figurat që e njeh mirë madhështinë e Interit është padyshim Julio Cesar, portieri i artë i sezonit të famshëm 2009-2010, kur Interi fitoi tripletën nën drejtimin e José Mourinhos.
“Ky Inter mund ta arrijë tripletën si ne!, Skuadra është në formë të shkëlqyer, e fortë në çdo repart dhe e etur për fitore.” tha Cesar.
Julio Cesar nuk la pa përmendur as Yann Sommer, portierin zviceran që ka bërë një sezon fantastik me zikaltërit.
“Ai është një portier i madh, por për fat të keq, nuk flitet sa duhet për të. Mediat e nënvlerësojnë, por ai është vendimtar.” shtoi Cesar.
Sa i përket rivalëve të përjetshëm, Juventusit, legjenda braziliane zgjodhi të jetë diplomatik, duke theksuar nevojën për kohë në një moment rikonstruksioni:
“Ata po kalojnë një sezon të vështirë, me shumë ndryshime dhe pasiguri. Igor Tudor ka nevojë për kohë për të ndërtuar skuadrën sipas vizionit të tij.” përfundoi ai.
Me formën aktuale dhe besimin që rritet nga ndeshja në ndeshje, tifozët e Interit kanë plot arsye për ta ëndërruar, që të përsëritin dhe njëherë si në vitin 2010 fitimin e tripletës.
