Gazetari Lutfi Dervishi ka ironizuar hapjen e fushatës elektorale të Partisë Socialiste në Tiranë.
Në një postim në Facebook, Dervishi ironizoi “konkretësinë” e fjalimeve të drejtuesve socialistë, që sipas tij, flisnin për gjithçka dhe asgjë në të njëjtën kohë, pas 12 vitesh dështime.
Ai listoi temat që supozohej të trajtoheshin: çmimet, pensionet, rrugët, trenat, emigrimi, shëndetësia, arsimi, fermerët, uji dhe siguria ushqimore, të gjitha fushat që PS i ka degraduar ndër vite.
Sipas tij, në vend të një platforme serioze për të ardhmen, fushata nisi me show, muzikë dhe zbrazëti, ndërsa vendi përballet me varfëri.
Postimi i plotë:
Sa mirë që në ditën e parë të fushatës, u fol konkretisht për tema që shqetesojne njerëzit
Te 12 drejtuesit e qarqeve që kanë 12 vjet që qeverisin folën vetëm për:
1. Çmimet/rrogat
2. Pensionet
3. Rrugët
4. Trenat
5. Emigrimin/Shpopullimin
6. Shëndetësia.
7. Arsimi
8. Fermeret/subvencionet
9. Uje
10 Siguria ushqimore
Sa konkrete që është kjo fushatë
