Skënderbeu dhe Tirana kanë barazuar në ndeshjen e vlefshme për javën e 34-t të Superiores.
Sfida e zhvilluar në stadiumin e Korçës, përfundoi 1-1. Në përfundim të këtij dueli ka folur trajneri i bardhebluve, Bledi Shkëmbi.
“Barazimin po e quaj pozitiv duke parë edhe ecurinë e ndeshjeve të tjera. Sot për fat të keq kushtet atmosferike nuk ishin aq mirë. Një pjesë ishte Skënderbeu që dominonte, ishte agresiv. Patjetër që do të parapëlqeja që të dyja skuadrat të luanim në kushte normale.
Unë mendoj që në pjesën e dytë ndryshoi dëshira, ishim më agresivë. Kaluam në një 4-2-4. Patjetër që na ndihmoi, kërkuam të luanim më shumë me Haxhiun dhe Prengën, të dy lojtarët ishin në gjerësinë e fushës, bënë mirë në shumë momente dhe vendosëm kundërshtarin në vështirësi”, tha Shkëmbi.
