Drejtuesi politik i PD në qarkun e Fierit Gazment Bardhi ka publikuar videon, ku një pjesë e administratës shtetërore në Fier, pranon se është sjell me detyrim në mitingun e hapjes së fushatës së PS në ‘Sheshin Skënderbej’.
Në një postim në Facebook, Bardhi shkruan se po u bëhet presion administratës që të marrin pjesë në mitingje, si dhe premtojnë vende pune, ndërsa gjithashtu ka hedhur akuza ndaj zv.kryeministren Belinda Balluku, që sipas tij po kryen krime elektorale.
Gazment Bardhi i bën thirrje Prokurorisë së Posaçme që të hetojë këto raste.
“Keqardhje për SPAK-un që nuk arrin të zbulojë nga krimet elektorale që po kryhen në qarkun e Fierit, në drejtimin e Belinda Ballukut! Jo vetëm metodat e paligjshme në shkelje të ligjit elektoral nga Balluku por sidomos arroganca e saj në komunitet dhe me vetë socialistët, janë për nga lloji të ngjashme me çizme pushtuesish”, shkruan Bardhi.
Lexo edhe:
Skandali/ PS detyron administratën të marrë pjesë në çeljen e fushatës: Erdhëm nga halli (VIDEO)
