Për herë të parë në histori, ushtria libaneze hyri në bazat e grupit militant libanez Hezbollah në veri të lumit Litani dhe pothuajse përfundoi çmontimin e infrastrukturës së këtij grupi në jug të Libanit, njoftoi sot televizioni libanez Al Jadid.
Hizbullahu deri më tani nuk i ka dorëzuar kurrë baza ushtrisë libaneze në veri të lumit Litani.
Televizioni tha se qeveria libaneze do të arrijë një marrëveshje me Hezbollahun në lidhje me çarmatimin gradual të grupit.
Deputeti i Hezbollahut, Hassan Fadlala tha sot se grupi është gati të hyjë në negociata me qeverinë libaneze për një strategji të mbrojtjes kombëtare , me fokus në sigurimin e largimit të trupave izraelite nga territori libanez, raportoi The Times of Israel.
Përplasjet midis Izraelit dhe Hezbollahut përfunduan me një armëpushim në nëntor 2024 që rezultoi në tërheqjen e trupave izraelite, me përjashtim të pesë pozicioneve kyçe pranë kufirit.
Izraeli ka njoftuar se synon t’ua dorëzojë ato pozicione trupave libaneze kur të jetë e sigurt se situata e sigurisë e lejon këtë.
