Tre persona janë arrestuar nga policia në Tiranë përgjatë 24-orëve të fundit për trafikim të lëndëve narkotike në kryeqytet.
Sipas policisë, në dy raste, gjatë kontrollit fizik u gjet kokainë, ndërsa në një rast tjetër, një i rira në pranga për kanabis.
“Specialistët e Seksionit për Hetimin e Narkotikëve arrestuan shtetasit:
-A. Ç., 30 vjeç, pasi gjatë kontrollit fizik, shërbimet e Forcës së Posaçme “Shqiponja” i gjetën një sasi Kokaine;
-E. Gj., 24 vjeç, pasi gjatë kontrollit fizik, shërbimet e Forcës së Posaçme “Shqiponja” i gjetën një sasi Cannabisi;
-E. D., 40 vjeç, pasi gjatë kontrollit fizik, shërbimet e Komisariatit të Policisë Nr. 4 i gjetën një sasi Kokaine.
Lëndët narkotike u sekuestruan në cilësinë e provës materiale”, thuhet në njoftimin e policisë së Tiranës.
Materialet procedurale iu referuan Prokurorisë së Tiranës, për veprime të mëtejshme.
